Mga batang edad 12 pababa bawal na sa Manila Baywalk Dolomite Beach
Hindi na muna papayagan ng Department of Environment and Natural Resources (DENR) ang mga batang edad 12 pababa na magtungo sa Manila Baywalk Dolomite Beach.
Ayon sA DENR, nakatutuwa ang interest ng publiko na mabisita ang Manila Baywalk Dolomite Beach simula nang buksan ito noong October 16.
Gayunman, ang National Capital Region ay nasa Alert Level No. 3 pa rin at mayroon pa ding pandemya sa bansa.
Dahil dito, bilang pagsuporta sa COVID-19 response ng pamahalaan at sa bilang pagtugon sa Inter-Agency Task Force (IATF) for the Management of Emerging Infectious Diseases, pagbabawalan na muna ang mga edad 12 pababa na pumasok sa beach area.
Isasara din sa publiko ang Manila Baywalk Dolomite Beach simula October 29, 2021 hanggang sa November 3, 2021 bilang paggunita sa All Saints’ Day at All Souls’ Day. (DDC)
