16-anyos na Pinay wagi ng dalawang gintong medalya sa International Weightlifting Federation Youth World Championships
Isang 16 anyos na Pinay ang nagwagi ng dalawang gintong medalya sa 2021 International Weightlifting Federation (IWF) Youth World Championships na ginaganap sa Jeddah, Saudi Arabia.
Maliban sa dalawang gintong medalya, nakakuha din si Rose Jean Ramos ng isang silver medal.
Nagwagi ng gold si Ramos matapos mabuhat ang 67 at 147kilograms.
Tinalo ni Ramos ang pambato ng Poland na nag-uwi ng silver medal at pambato ng Indonesia na nag-uwi ng bronze.
Habang silver naman ang nakuha ni Ramos nang makatapos ng clean and jerk – 80kgs sa women’s 45kgs division. (DDC)
