Carlos Yulo wagi ng gintong medalya sa Gymnastics World Championships vault finals
Nakakuha ng gintong medalya si Carlos Yulo sa Men’s Vault event ng 50th FIG Artistic Gymnastics World Championships na ginaganap sa Kitakyushu, Japan.
Nakapagtala si Yulo ng score na 14.800 sa first vault, at 15,033 sa kaniyang second attempt.
Noong Sabado ng gabi ay nagtapos si Yulo sa pang-limang pwesto sa floor exercise finals.
Ang tagumpay ni Yulo ay kasunod ng kaniyang pagtatapos sa ika-anim na pwesto sa nagdaang 2020 Tokyo Olympics. (DDC)
