Mahigit 690,000 doses ng AstraZeneca COVID-19 vaccine, dumating sa bansa

Dumating sa bansa ang 698,600 doses pa ng COVID-19 vaccine ng AstraZeneca na binili ng pribadong sektor.

Ang mga bakuna ay dumating sa NAIA Biyernes, Oct. 22 ng umaga.

Sa datos ng pamahalaan umabot na sa 93,661,610 doses ng COVID-19 vaccines ang nai-deliver sa bansa.

Noong Huwebes ng gabi, mayroon ding mahigit 1 milyong doses ng Pfizer COVID-19 vaccine ang dumating sa NAIA Terminal 3.

Bahagi naman ito ng mga bakunang binili ng pamahalaan. (DDC)