DOH nakapagtala lang ng mahigit 4,800 na bagong kaso ng COVID-19

Nakapagtala ng mahigit 4,800 bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, Oct. 21, ay 2,740,111 na ang kabuuang bilang ng kaso ng COVID-19 sa bansa.

Sa magdamag, umabot sa 4,806 ang dagdag na mga kaso.

Ito na ang ikatlong sunod na araw na mas mabababa sa 5,000 ang bagong kaso ng COVID-19 na naitatala sa bansa.

Sa kabuuang bilang ng COVID-19 cases, 2,633,039 ang gumaling o katumbas ng 96.1 percent makaraang makapagtala pa ng dagdag na 5,934 na gumaling.

65,835 naman ang active cases o katumbas ng 2.4 percent.

Nasa 41,237 ang kabuuang death toll sa bansa o 1.50 percent makaraang makapagtala ng 260 pang pumanaw. (DDC)