Gamot na may sangkap na marijuana nakumpiska ng Customs sa Clark
Nakumpiska ng mga tauhan ng Bureau of Customs sa Clark International Airport ang tatlong bote ng mga gamot na mayroong sangkap na marijuana.
Ag mga gamot ay idineklarang “overcounter drugs for personal use”.
Nang isailalim ito sa physical examination ay nakita ang tatlong bote ng Cureganics CBD Tincture.
Kumuha ng sample ang Customs Examiner mula sa nasabing gamit at isinumite sa Philippine Drug Enforcement Agency Region 3 para sa chemical laboratory analysis.
Doon nakumpirma na nagtataglay ito ng marijuana.
Ang Cureganics ay gawa sa US at base sa website nito, ang Cureganics ay CBD brand o ginagamitan ng Cannabidiol – ang langis na kinuha mula sa cannabis plant. (DDC)
