Mahigit 63,000 na mga residente ng Montalban sa Rizal Province fully-vaccinated na

Fully-vaccinated na kontra COVID-19 ang mahigit 63,000 mga residente ng bayan ng Montalban sa lalawigan ng Rizal.

Sa inilabas na update ng Pamahalaang Bayan, umabot na sa mahigit 140,000 ang total vaccines administered sa lungsod.

Sa nasabing bilang, 76,670 ang tumanggap ng first dose habang 63,339 naman ang fully-vaccinated na.

Kabilang dito ang mga tumanggap ng single dose ng Janssen vaccine.

Malayo-layo pa ang nasabing bilang sa 70 percent na target population sa bayan ng Montalban para maabot ang herd immunity sa COVID-19.

Ang kabuuan kasing populasyon sa Montalban ay 418,097 at ang 70 percent target population ay 292,668.

Tuluy-tuloy pa din ang manual registration sa mga barangay hall para sa mga nais na makapagpabakuna.

Maaari ding magparehistro sa Resbakuna online registration at NTF online registration. (DDC)