Kanye West nagpalit ng pangalan, tatawagin ng “Ye”
Mula sa Kanye West ay nagpalit na ng bagong pangalan ang 44 anyos na singer.
Inaprubahan ng korte sa Los Angeles ang petisyon ni Kanye West na makapagpalit ng pangalan at gawin itong “Ye”.
Tatawagin lamang na “Ye” ang rapper, walang middle name at wala ring last name.
“Personal reasons” lamang ang binanggit ng singer nang maghain siya ng petisyon sa korte para magpalit ng pangalan.
Mananatili naman ang paggamit ng kaniyang asawang si Kim Kardashian sa apelyidong West.
Gayundin ang kanilang apat na mga anak ay patuloy na gagamitin ang surname na West. (DDC)
