4 na Chinese nationals nasawi sa anti-illegal drug operations sa Angeles City
Apat na Chinese nationals ang nasawi sa anti-illegal drug operations sa Angeles City, Pampanga.
Kinilala ang mga nasawing Chinese na sina Cai Ya Bing alyas CAI; Erbo Ke alyas Payat; Huang Guidong at si Wuyuan Shen.
Ayon sa Philippine Drug Enforcement Agency (PDEA) Region 3, aabot sa 38 kilo ng shabu ang nakumpiska na nagkakahalaga P262,200,000 sa ikinasang operasyon sa Punta Verde Subd., Barangay Pulong Cacutud, ngayong Lunes (October 18) ng umaga.
Nagawang makipag-transaksyon ng mga ahente ng PDEA sa nasabing mga suspek kaya naisakatuparan ang anti-drug operation na nauwi sa engkwentro.
Maliban sa mga ilegal na droga, nakumpiska din sa mga suspek ang apat na unit ng Caliber .45; dalawang iPhone cellphone; isang Weighing Scale na may charger; at ang marked money na ginamit ng mga operatiba ng PDEA. (DDC)
