Presyo ng produktong petrolyo muling tataas sa ikawalong sunod na linggo
May bigtime oil price hike ang mga kumpanya ng langis ngayong linggo.
Ito na ang ikawalong sunod na linggo na may dagdag sa presyo ng produktong petrolyo ang mga kumpanya ng langis.
Sa abiso ng kumpanyang Shell, epektibo alas 6:00 ng umaga bukas, October 19 ay may dagdag na P1.80 sa kada litro ng gasolina; P1.30 sa kada litro ng kerosene at P1.50 sa kada litro ng diesel.
May parehong halaga din ng dagdag presyo ang iba pang kumpanya ng langis.
Ang kumpanyang Cleanfuel may parehong halaga ng dagdag presyo sa kanilang diesel at gasolina epektibo alas 4:01 ng hapon bukas.
Simula noong August 31 umabot na sa mahigit P7 ang itinaas sa presyo ng kada litro ng diesel; mahigit P5 sa presyo ng kada litro ng gasolina at mahigit P6 sa presyo ng kada litro ng kerosene. (DDC)
