Bagong spare parts ng mga tren ng MRT-3 dumating na sa bansa
Dumating sa bansa ang panibagong shipment ng mga spare parts ng tren ng MRT-3.
Gagamitin ang mga ito para sa overhauling at bilang reserbang mga piyesa ng mga bagon ng MRT-3.
Ang mga bagong dating na materyales ay kinabibilangan ng mechanical spare parts na wheel hub, na bahagi ng railway wheel.
Ang railway wheel, kasama ang axle, ay sumusuporta sa bigat ng mga bagon.
Mahalaga ang mga ito sa ligtas na operasyon at pagtakbo ng mga tren sa linya.
Bahagi ang upgrading ng mga equipment ng tren ng malawakang rehabilitasyon ng MRT-3, na nakapagbigay daan na sa deployment ng mga newly-overhauled na bagon sa linya. (DDC)
