Carlo Aquino nakatanggap ng Squid Game suit mula sa Netflix
Nakatanggap ang aktor na si Carlo Aquino ng Squid Game green suit mula sa Netflix.
Sa kaniyang Facebook at Instagram account ibinahagi ng aktor ang larawan ng tanyag na green suit na ginamit ng mga manlalaro sa popular na Netflix series na Squid Game.
Nilagyan ito ni Carlo ng caption na “Better late than never! Thanks Netflix for the surprise”.
Magugunitang si Carlo dapat ang gaganap na “Ali” sa Squid Game.
Pero hindi nakabiyahe ang aktor dahil sa pinaiiral na travel restrictions bunsod ng COVID-19 pandemic.
Maraming Filipino netizens naman ang umasa na mapapasama na si Carlo kung sakaling magkakaroon ng season 2 ang Squid Game. (DDC)
