Labi ng dalawang bata na natabunan ng landslide sa Baguio City natagpuan na

Natagpuan na ng mga otoridad ang mga labi ng dalawang bata na kabilang sa natabunan sa gumuhong lupa sa Dominican Hill-Mirador, Baguio City.

Ayon kay Baguio City Police Director PCol. Glenn Lonogan natagpuan ang dalawa alas 10:20 ng umaga ngayong Miyerkules (Oct. 13) ng joint rescue team ng Philippine National Police, Bureau of Fire Protection at Armed Forces of the Philippine.

Kinilala ang mga biktima na sina Judy Rose Tulipas, 12yrs old at Thalia Kasidee Ocampo, 4yrs old.

Ayon kay Baguio City Mayor Benjamin Magalong bibigyan ng tulong ang pamilya ng mga biktima sa nasabing landslides.

Una nang natagpuan ang bangkay ng isa sa mga biktima kahapon araw ng Lunes.

Habang isa naman ang nailigtas at patuloy na nagpapagaling.

Tiniyak din ni Magalong ang tulong sa iba pang naapektuhan ng pananalasa ng Bagyong Maring. (DDC)