Validity ng driver’s license na October ang expiration, pinalawig hanggang Disyembre

Pinalawig ng Land Transportation Office (LTO) ang validity ng driver’s license na ang expiration ay ngayong buwan ng Oktubre.

Sa inilabas na abiso ng LTO, maliban sa driver’s license ay palalawigin din ang validity hanggang December 31, 2021 ng Student Permits, conductor’s license at medical certificates.

Ito ay bilang konsiderasyon sa pag-iral ng Quarantine Restrictions sa iba’t ibang bahagi ng bansa.

Samantala, extended din ang validity ng registration ng mga sasakyan na ang plate number ay nagtatapos sa “0”.

Ayon sa LTO, ang rehistro ng mga sasakyan na ang plaka ay nagtatapos sa “0” ay valid hanggang December 31, 2021. (DDC)