Mahigit 55,000 na mga residente ng Montalban sa Rizal Province fully-vaccinated na

Fully-vaccinated na kontra COVID-19 ang mahigit 55,000 mga residente ng bayan ng Montalban sa lalawigan ng Rizal.

Sa inilabas na update ng Pamahalaang Bayan, umabot na sa 124,570 ang total vaccines administered sa lungsod.

Sa nasabing bilang, 68,684 ang tumanggap ng first dose habang 55,886 naman ang fully-vaccinated na.

Kabilang dito ang 6,469 na tumanggap ng single dose ng Janssen vaccine.

Tuloy-tuloy pa din ang manual registration sa mga barangay hall para sa mga nais na makapagpabakuna.

Maaari ding magparehistro sa Resbakuna online registration at NTF online registration. (DDC)