Kylie Padilla nagsalita hinggil sa pakikipag-date ni Aljur kay AJ Raval

Nagsalita na si Kylie Padilla tungkol sa umano ay pagde-date ng kanyang ex-husband si Aljur Abrenica at sexy star na si AJ Raval.

Sinabi ni Kylie na ang tanging hiling niya para kay Aljur ay maging masaya at manatiling ama sa kanyang dalawang anak na sina Alas at Axl.

Aniya, si Aljur pa rin ang tatay ng mga anak niya at kahati niya ito sa pagpapalaki sa dalawang bata.

Nilinaw din ng aktres na hindi dapat sisihin ang mga anak sa paghihiwalay ng mag-asawa.

Inamin ng aktres na failure sa kanila bilang mga magulang ang nangyari, kaya kailangan nilang bumawi sa ibang paraan.

Idinagdag pa ni Kylie na kailangan nilang maging masaya ni Aljur “in their own separate way”.

Una nang kinumpirma ni AJ, na anak ng action star na si Jeric Raval, na nililigawan siya ni Aljur. (Infinite Radio Calbayog)