Bangkay ng isa sa mga natabunan ng landslide sa Baguio City natagpuan na
Natagpuan ng search and retrieval team ang katawan ng isa sa tatlong nawawala matapos matabunan ng landslide sa ang kanilang bahay sa Dominican-Mirador, Baguio City.
Ang natagpuan ay bangkay ng isang lalaki ayon sa Baguio City Disaster Risk Reduction and Management Council.
Nagpapatuloy naman ang search and retrieval operations sa dalawa pang nawawala na parehong bata.
Tulung-tulong ang mga otoridad at civilian volunteers para mahanap ang mga natabunan ng gumuhong lupa.
Nangyari ang pagguho ng lupa Lunes, Oct. 11 ng gabi sa kasagsagan ng malakas na pag-ulan dulot ng Bagyong Maring. (DDC)
