OVP bumuo na ng team para sa rescue at relief operations sa mga lugar na naapektuhan ng Bagyong Maring
Bumuo na ng team ang Office of the Vice President para magsagawa ng rescue at relief operations sa mga lugar na apektado ng Bagyong Maring.
Ayon kay Vice President Leni Robredo, marami ang nangangailangan ng tulong sa Cagayan, Isabela, Benguet at La Union.
May natanggap ding ulat ang tanggapan ng bise presidente na may mga na trap sa pagbaha sa Candon City at iba pang bahagi ng Ilocos Sur.
Samantala nagpapatuloy na rin ang rescue operations ng Philippine National Police (PNP) at Armed Forces of the Philippines (AFP) sa mga apektadong lugar. (DDC)
