Vico Sotto: ‘Di bale nang tawagin akong kuripot, at least hindi magnanakaw

Walang balak maglunsad ng magarbong kampanya si Pasig City Mayor Vico Sotto.

Ayon kay Sotto, matapos siyang maghain ng kaniyang certificate of candidacy (COC) para muling tumakbong mayor ay focus pa rin siya sa trabaho.

Kahit aniya dumating ang pormal na campaign period, mananatili siyang full-time mayor.

Ayon kay kay Sotto, hindi rin siya gagastos ng malaki sa kampanya.

Aniya OK lang na tawagin siyang kuripot, at least ay hindi siya magnanakaw. Ang importante aniya ay nagagamit sa tama at buo ang pera ng taumbayan.

Kasabay nito ay nagpasalamat si Sotto sa mga nagpaabot ng suporta sa kaniya simula nang siya ay maghain ng COC.

Apela ni Sotto sa mga taga-Pasig maging mapanuri lalo na sa pekeng balita. (DDC)