Collab song ng Coldplay at BTS na “My Universe” No. 1 na sa Billboard
Agad nag-top 1 sa Billboard Hot 100 songs chart ang collaboration song ng Coldplay at BTS na “My Universe.”
Ito ang ikalawang pagkakataon na nag No. 1 sa sa Billboard Chart ang Coldplay.
Noong 2008, unang nag-top sa Billboard Chart ang Coldplay para sa single nilang “Viva La Vida”.
Ito naman na ang ika-anim na pagkakataon na nag-top sa Billboard ang BTS simula noong September 2020.
Una nang nag-No. 1 sa Billboard ang mga kanta ng BTS na Dynamite, Savage Love (Laxed – Siren Beat), Life Goes On, Butter, at Permission to Dance.
Ang “My Universe” ay ini-release noong Sept. 24 at bahagi ng album ng Coldplay na “Music of the Spheres”.
Karamihan sa lyrics ng “My Universe” ay English pero may mga bahagi din na Korean.
Ang Music Video ng My Universe ay mayroon nang 38 million views sa YouTube, apat na araw matapos itong i-post sa YouTube Channel ng Coldplay. (DDC)
