Bicol International Airport magbubukas na ngayong buwan
Nakatakda nang buksan ngayong buwan ng Oktubre ang Bicol International Airport (BIA).
Ang konstruksyon ng nasabing paliparan ay nasa 99 na porsyento nang kumpleto.
Noong Linggo, Oct. 3 ay binisita ni Department of Transportation (DOTr) Secretary Art Tugade ang BIA na tinaguriang “Most Scenic Gateway” ng bansa.
Ayon kay Tugade, labingisang taon na nabinbin ang development project ng nasabing paliparan.
At ngayon lamang sa ilalim ng administrasyon ni Pangulong Rodrigo Duterte pormal na naisakatuparan ang pagtatapos ng proyekto.
Sa sandaling maging operational na, tinatayang dalawang milyong pasahero ang maseserbisyuhan ng paliparan kada taon. (DDC)
