Biyahe ng mga sasakyang pandagat sa Dinagat Islands sinuspinde dahil sa Bagyong Lannie
Sinuspinde ng Philippine Coast Guard (PCG) ang biyahe ng mga sasakyang pandagat sa Dinagat Islands dahil sa Tropical Depression Lannie.
Sa inilabas na notice to mariners, ng Coast Guard Station Dinagat Islands, bawal maglayag ang lahat ng uri ng sasakyang pandagat.
Ito ay dahil nakataas na ang Tropical Cyclone Wind Signal Number 1 sa maraming lugar sa bansa kasama na ang Dinagat Islands.
Muling maglalabas ng abiso ang Coast Guard sakaling bumuti na ang panahon. (DDC)
