Mahigit 15,000 na bagong kaso ng COVID-19 naitala ng DOH

Nakapagtala ng mahigit 15,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Biyernes, Oct. 1 ay umabot na sa 2,565,487 ang kabuuang bilang ng kaso ng COVID-19 sa bansa.

Sa magdamag, umabot sa 15,566 ang dagdag na mga kaso.

Sa kabuuang bilang ng COVID-19 cases, 2,396,726 ang gumaling o katumbas ng 93.4 percent makaraang makapagtala pa ng dagdag na 23,483 na gumaling.

130,268 naman ang active cases o katumbas ng 5.1 percent.

Umabot naman na sa 38,493 ang kabuuang death toll sa bansa o 1.50 percent.

Ito ay makaraang makapagtala ng 199 pang pumanaw. (DDC)