Mag-amang Chavit at Ryan Singson maglalaban sa pagka-bise gobernador sa Ilocos Sur

Maglalaban sa pagka-bise gobernador sa Ilocos Sur ang mag-amang sina Chavit at Ryan Singson.

Naghain na ng kaniyang certificate of candidacy si Narvacan Mayor Luis ‘Chavit’ Singson para tumakbong bise gobernador sa 2022 elections.

Sa kaniyang Facebook page, ibinahagi ni Singson ang ,ga larawan habang naghahain ng COC.

Ang kaniyang kapatid na si incumbent Vice Governor Jerry Singson ang tatakbo namang gobernador.

Habang ang isa niyang anak na si Ronald ay tatakbo bilang kongresista.

Samantala, sa mga ibinahaging larawan ni Ilocos Sur 1st Dist. Representative DV Savellano, ibinahagi naman nito ang paghahain din ng COC ni Ryan Singson.

Si Ryan ay tatakbong bise gobernador at makakalaban ang kaniyang ama.

Ang asawa ni Savellano na si Patch Savellano Singson, ang magiging running mate ni Ryan at tatakbong gobernador. (DDC)