Sen. Manny Pacquiao naghain na ng kaniyang COC sa pagka-pangulo
Naghain na ng kaniyang Certificate of Candidacy (COC) sa Commission on Elections (Comelec) si Senator Manny Pacquiao.
Si Pacquiao ang unang presidential aspirants na nakapagsumite ng kaniyang COC ngayong unang araw ng filing sa Comelec.
Kasama ni Pacquiao si Buhay Party List Rep. Lito Atienza na tatakbong bise presidente bilang running mate ni Pacquiao.
Sa pahayag sinabi ni Pacquiao na ang knaiyang pagtakbo ay hindi lamang para sa kaniyang sarili, pero para sa mga Pilipino.
Nais umano niyang mabigyan ng magandang kinakabukasan ang sambayanang Pilipino.
Hindi rin alintana ni Pacquiao ang resulta ng mga survey.
Sinabi ni Pacquiao na ang mas dapat madinig ay ang boses ng maralita na naghihintay ng tunay na kakalinga sa kanila. (DDC)
