BREAKING: Voter registration pinalawig ng Comelec mula October 11 hanggang 31
May pagkakataon pa ang publiko na makapagparehistro para sa darating na 2022 national elections.
Nagpasya ang Commission on Elections (Comelec) en banc na palawigin pa ang voter registration.
Ayon kay Comelec Chairman Sheriff Abas, maari pang magparehistro mula October 11 hanggang 31.
Tatapusin lamang muna ang paghahain ng Certificate of Candidacy na nakatakda mula October 1 hanggang 8.
Paalala ni Comelec Spokesperson james Jimenez sa mga magpaparehistro, i-download na ang forms sa website ng Comelec para sa mas mabilis na proseso.
Kailangan ding magdala ng valid ID, photocopy nito, at ballpen. (DDC)
