Pagpapalawig sa voters registration tatalakayin ng Comelec En Banc

Tatalakayin ngayong araw ng Commission on Elections (Comelec) En Banc ang posibilidad na mapalawig ang pagpaparehistro para sa 2022 elections.

Ayon kay Comelec Spokesperson James Jimenez, matapos ang konsultasyon ay nagpasya ang en banc pag-usapan ang extension sa voter registration.

Sinabi ni Jimenez na bilang konsiderasyon din ito sa apela ng publiko.

Posible ani Jimenez na mapalawig ang voter registration.

Kung hanggang kailan ay ilalabas aniya ito ng Comelec sa sandaling may pasya na ang en banc. (DDC)