Lider ng Sea Robbery Group arestado ng Coast Guard

Inaresto ng mga tauhan ng Philippine Coast Guard (PCG) ang isaing hinihinalang lider ng sea robbery group na nag-ooperate sa Manila Bay.

Dinakip ang suspek na si Mark Montilla sa Baseco Compound, Port Area sa Maynila sa bisa ng warrant of arrest na inilabas ng Manila RTC Branch 44.

Ang suspek ang pinaniniwalaang lider ng Montilla Criminal Group na sangkot sa theft at sea robbery.

Target ng grupo ang mga naka-angklang barko sa Manila Bay Anchorage area.

Sa isinagawang imbestigasyon, ibinunyag ni Montilla na ang mga ninakaw nilang gamit gaya ng welding machines at mga lubid ay itinatago ng mga kasabwat niyang sina “Randy” at “Ruel”.

Nakatakdang magkasa ng follow up operation ang PCG sa iba pang miyembro ng grupo. (DDC)