Pinay weightlifter na si Veronica Ompod wagi ng apat na gintong medalya sa World Classic Powerlifting Championships sa Sweden

Humakot ng gintong medalya ang Pinay weightlifter na si Veronica Ompod sa ginanap na 2021 World Classic Powerlifting Championships sa Halmstad, Sweden.

Nakuha ni Ompod ang apat na gintong medalya sa 43kgs Women’s Junior division.

Maliban kay Ompod nagwagi din ng apat na bronze medal sa nasabing komepetisyon ang Pinay na si Jane Erasmo.

Nagkaroon ng neck and neck battle sa pagitan ni Erasmo at ng pambato ng Ukraine na si Petrenko Tetiana para sa silver medal sa 47 kg Women’s Sub-Junior division.

Ito ang unang international competition ni Erasmo.

Nabatid na sina Ompod at Erasmo ay dumating sa Halmstad ilang oras bago ang opisyal na pagsabak sa kompetisyon kaya hindi man lamang sila nabigyang pagkakataong makapagpahinga.

Sa kabila nito ay kapwa nagpakita ng magandang performance ang dalawa. (DDC)