Pasok sa Manila City Hall suspendido na simula alas 3:30 ng hapon
Suspendido na ang pasok sa Manila City Hall simula alas 3:30 ng hapon ngayong araw.
Ito ay bilang paggunita sa “Kainang Pamilya Mahalaga Day.”
Sa inilabas na abiso ng Manila City LGU, pauuwiin na ang mga empleyado ng lokal na pamahalaan simula alas 3:30 ng hapon.
Magpapatuloy naman ang operasyon ng Manila Health Department, MDRRMO, MDSW at iba pang opisina na ang tungkulin ay may kaugnayan sa basic at health services, at vital services. (DDC)
