Mahigit 42,000 na bilanggo nabakunahan na kontra COVID-19 ayon sa DILG

Mayroon nang 42,493 na mga persons deprived of liberty o PDLs ang nabakunahan na kontra COVID-19.

Batay ito sa datos ng Bureau of Jail Management and Penology o BJMP.

Ayon sa Department of the Interior and Local Government (DILG) ang nasabing bilang ay 35 percent pa lamang ng 122,498 PDLs sa iba’t ibang pasilidad na nasa ilalim ng BJMP.

Sa 42,493 na nabakunahan na, mahigit 14,000 ang fully vaccinated na kabilang ang mga nakatanggap ng single-dose vaccine ng Janssen.

Ang DILG at ang BJMP ay patuloy na nakikipag-ugnayan sa National Vaccine Operations Center at sa local government units para sa vaccine doses allotment sa mga PDLs at jail officers. (DDC)