Mahigit 17,000 na bagong kaso ng COVID-19 naitala ng DOH; mahigit 14,000 pa ang gumaling

Nakapagtala ng mahigit 17,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, Sept. 23 ay umabot na sa 2,434,753 ang kabuuang bilang ng kaso ng COVID-19 sa bansa.

Sa magdamag, umabot sa 17,411 ang dagdag na mga kaso.

Sa kabuuang bilang ng COVID-19 cases, 2,231,558 ang gumaling o katumbas ng 91.7 percent makaraang makapagtala pa ng dagdag na 14,090 na gumaling.

165,790 naman ang active cases o katumbas ng 6.8 percent.

Nasa 37,405 ang kabuuang death toll sa bansa o 1.54 percent makaraang makapagtala ng dagdag na 177 pang nasawi. (DDC)