Mahigit 1 milyong doses pa ng COVID-19 vaccine ng Pfizer dumating sa bansa

Mayroong mahigit isang milyong doses pa ng Pfizer vaccines ang dumating sa bansa.

Ayon sa National Task Force Against COVID-19, ito ang biggest single delivery ng Pfizer vaccine na dumating sa bansa.

Lulan ng Air Hong Kong ang 1,028,430 doses ng bakuna nang dumating sa NAIA Terminal 3.

Bahagi ng nasabing mga bakuna ang agad dinala sa Cebu City at sa Davao City.

Habang ang iba pa ay dinala sa storage facility sa Marikina City. (DDC)