Meralco magsisimula nang magputol ng kuryente sa NCR

Uumpisahan na muli ng Meralco ang kanilang disconnection activities sa Metro Manila.

Ayon sa Meralco, sa kasagsagan ng pagpapa-iral ng Alert Level 4 sa NCR ay magpuputol na sila ng kuryente sa mga mayroong disconnection notice na hindi nakababayad.

Sinabi ng Meralco na uumpisahan ang ang delivery ng disconnection notices sa mga hindi nabayarang bill sa susunod na linggo.

Samantala, mananatili namang suspendido ang pag-iisyu ng disconnection notice ng Meralco sa Bulacan, Cavite, Laguna, Rizal, at Lucena City na pawang nakasailalim sa Modified Enhanced Community Quarantine (MECQ).

Maging sa mga lugar sa NCR na nakasailalim sa granular lockdown ay hindi rin muna mag-iisyu ng disconnection notice ang Meralco. (DDC)