BI nagpalabas na ng lookout bulletin laban kay Julian Ongpin
Isinailalim na sa Lookout Bulletin ng Bureau of Immigration (BI) ang personalidad na si Julian Ongpin na person of interest sa pagkasawi ng artist na si Bree Jonson.
Ayon kay BI Commissioner Jaime Morente, kasama na si Ongpin sa listaha ng mga binabantayang personalidad ng BI matapos maipalabas ang Lookout Bulletin Order (ILBO).
Bunsod ito ng posibilidad na makalabas ng bansa si Ongpin.
Si Ongpin ay laman ng balita matapos ituring na person of interest sa pagkasawi ng painter na si Bree Johnson sa San Juan, La Union.
Ang ILBO ay inilalabas para mabantayan ang itineraries sa pagbiyahe at lugar na kinaroroonan ng isang indbidwal.
Ayon kay Morente, inatasan na ang lahat ng immigration officers sa mga pantalan at paliparan sa buong bansa na masusing i-monitor ang pagbiyahe-biyahe ni Ongpin. (DDC)
