Isko Moreno – Willie Ong tandem para sa 2022 elections pormal nang inilunsad

Pormal nang inilunsad ang kandidatura nina Manila Mayor Isko Moreno at Doc Willie Ong para sa 2022 national at local elections.

Sa kaniyang talumpati, sinabi ni Moreno na nagkaroon din siya ng mga agam-agam at matagal na pinag-isipan ang kaniyang magiging pasya.

Sinabi ni Moreno na ang kasalukuyang kalagayan ng bansa ang nagtulak sa kaniya para magpasyang tumakbo bilang presidente ng bansa.

Mensahe ni Mayor Isko sa mga taga-Maynila, huwag mag-alala dahil hindi sila mapapabayaan.

Ani Moreno, walang halong pagduda niyang ipagkakatiwala ang lungsod kay Vice Mayor Honey Lacuna.

Kayang-kaya aniyang ipagpatuloy ni Lacuna ang lahat ng naumpisahan niya sa lungsod.

Sa pagpili kay Doc Willie Ong bilang running mate, sinabi ni Moreno na sa panahon ngayon ng pandemya, malaki ang maitutulong ng isang doktor sa pamahalaan.

Ayon kay Doc Willing Ong, ayaw niya talaga sa simula na pumayag na tumakbo bilang bise presidente.

Pero alam niyang may kakayahan at may magagawa para sa bansa si Moreno kaya siya napapapayag. (DDC)