Resto Bar sa Makati ipinasara ng LGU dahil sa paglabag sa quarantine protocols

Ipinasara ng Makati City local government ang isang Resto Bar sa lungsod dahil sa paglabag sa COVID-19 protocols.

Isinara ng mga tauhan ng Makati Business Permits and Licensing Office (BPLO) ang PRVT Resto-Bar dahil nagkaroon ito ng paglabag sa quarantine protocols at social distancing.

Maliban dito ay natuklasan din ng BPLO na nag-ooperate ang establisyimento ng walang business permit.

Una nang iniutos ni Makati City Mayor Abby Binay ang pagsasagawa ng crackdown sa mga establisyimento sa lungsod.

Ito ay para masigurong sumusunod sila sa health and safety protocols at napoprotektahan ang publiko sa banta ng COVID-19. (DDC)