Pinakamataas na bilang ng vaccine delivery naitala noong nakaraang linggo

Umabot sa 9.5 million doses ng bakuna ang dumating sa bansa noong nakaraang linggo.

Ayon sa National Task Force Against COVID-19 ito na ang highest weekly delivery ng COVID-19 vaccines sa bansa simula noong buwan ng Pebrero.

Sa kabuuan ayon sa NTF, umabot na sa 64,942,000 vaccine doses ang dumarating sa Pilipinas mula sa iba’t ibang manufacturers.

Sa mahigit 9.58 million doses na nai-deliver sa bansa noong nakaraang linggo o mula Sept. 12 hanggang 19, 6.65 million doses ay pawang bakuna ng Sinovac, Pfizer, Moderna, at Sputnik V vaccines na binili ng pamahalaan.

Ang 909,400 doses naman ng Astrazeneca at Moderna vaccines ay binili ng pribadong sektor at ng local government units (LGUs), habang mayroong 2.02 million doses na donasyon mula sa COVAX facility. (DDC)