Dalawa arestado sa Taguig at Mandaluyong sa pagbebenta ng baril

Arestado ng mga tauhan ng Southern Police District (SPD) ang dalawang suspek sa ilegal na pagbebenta ng armas.

Ikinasa ang buy-bust operation ng pinagsanib na pwersa ng Southern Police District Inteliigence Division at District Special Operations Unit.

Ayon kay P/B.Gen. Jimili L. Macaraeg District Director ng SPD, ikinasa ang buy bust laban sa suspek na Nichol John Jerusalem, 30.

Isang pulis ang nagpanggap na bibili ng assault riffle at at grenade launcher kay Jerusalem sa halagang P180,000.

Nakumpiska sa pag-iingat ni Jerusalem ang isang Blackwater 5.56 assualt rifle, isang Bushmaster 5.56 assault rifle, isang Dublin 12 gauge shotgun, isang grenade launcher, isang Norinco AK47 assault rifle, iba’t ibang uri ng magazine at mga mga bala.

Sa ikinasa namang follow up operation sa Shaw Blvd. nadakip ang suspek na si Bruce De Leon, 32 anyos

Nakuha naman sa kaniya ang isang Bushmaster, isang Cal.38 revolver, mga magazine at mga bala.

Nasa kostodiya ng District Special Operations Unit ang mga suspek habang inihahanda na ang kasong paglabag sa Comprehensive Firearms and Ammunition Regulation Act of 2012, RA 9516 (Unlawful Possession of Firearms, Ammunition and Explosive) at BP 6 (Concealing Bladed Weapon). (DDC)