Apat sugatan sa sunog na naganap sa Cebu City

Tinupok ng apoy ang isang residential area sa Barangay Labangon, Cebu City.

Nagsimula ang sunog alas 2:30 ng madaling araw ng Lunes (Sept. 20) na itinaas sa second alarm.

Ayon Cebu City Fire Department, naapektuhan ng sunog ang mga bahay sa Sitio Labsalex sa Salvador Extension.

Naideklarang fire out ang sunog alas 4:13 ng madaling araw.

Ayon naman sa City Disaster Risk Reduction and Management Office, apat na residente ang nagtamo ng minor injuries dahil sa sunog.

Karamihan sa kanila ay nagtamo ng sugat sa katawan habang ang isa ay nakaranas ng hirap sa paghinga.

Patuloy pa ang imbestigasyon sa kung ano ang pinagmulan ng sunog.

Nasa pangangalaga naman ng Department of Social Welfare and Service (DSWS) ang mga pamilyang naapektuhan na nanunuluyan pansamantala sa gymnasium ng barangay. (DDC)