Senator Manny Pacquiao standard bearer ng PDP-Laban para sa 2022 presidential elections
Tinanggap ni Senator Manny Pacquiao ang nominasyon ng Partido Demokratiko Pilipino – Lakas ng Bayan (PDP-Laban) para maging standard bearer siya ng partido sa 2022 presidential elections.
Si Pacquiao ang ibinoto para maging official presidential candidate ng partido sa idinaos na national assembly araw ng Linggo (Sept. 19).
Sa kaniyang acceptance speech, sinabi ni Pacquiao na ang kaniyang pagtanggap ay para sa mga kababayan na matagal nang naghahangad ng tamang pagbabago sa pamahalaan, tapat na panunungkulan at tapat na serbisyo.
Napagkasunduan din sa nasabing pagtitipon na ipaubaya kay Pacquiao ang pagpili ng magiging running mate niya at kung sinu-sino ang kukumpleto sa kaniyang senatorial lineup. (DDC)
