Lovi Poe lumipat na sa ‘Kapamilya Network’; bibida sa serye kasama si Piolo Pascual
Isa nang ganap na ‘Kapamilya’ ang aktres na si Lovi Poe.
Mula sa labinglimang taon na pagiging ‘Kapuso’ ay lumagda ng kontrata si Poe sa ABS-CBN.
Ginawa ng network ang anunsyo kasunod ng contract signing ni Poe
Ayon sa talent manager ni Poe na si Deo Endrinal, bibida ang aktres sa isang serye kasama ang aktor na si Piolo Pascual.
Ang serye ay ang Philippine adaptation ng Korean drama na “Flower of Evil”.
Sa kaniyang Instagram, nagpasalamat naman si Poe sa GMA Network.
Ani Poe, hindi biro ang 15 taon niyang pananatili sa network at nagpapasalamat siya sa tiwala at suportang ibinigay sa kaniya. (DDC)
