Anim na magingisda nailigtas sa Philippine Rise

Nailigtas ng mga Philippine Navy patrol ship BRP Andres Bonifacio (PS17) ang anim na crew ng isang fishing vessel (FV) na nagkaproblema sa bahagi ng Philippine Rise.

Nagsasagawa ng operation patrol ang BRP Andres Bonifacio nang makatangggap ng distress call hinggil sa nangyari sa FV ‘Mr. Kupido’ malapit sa Benham Bank sa Philippine Rise.

Agad nagtungo sa lugar ang mga tauhan ng Navy, at nailigtas ang boat captain at limang crew members ng bangka na ang kalahati ay nakalubog na sa tubig.

Sila ay pawang residente ng Real at Atimonan, Quezon.

Agad silang binigyan ng makakain, damit at medical assistance.

Ayon sa Philippine Navy binayo ng malalakas na alon at hangin ang FV Mr. Kupido habang naglalayag. (DDC)