Tugboat lumubog sa Northern Samar; walong crew nailigtas ng Coast Guard

Nailigtas ng Philippine Coast Guard (PCG) ang walong crew ng isang tugboat na lumubog sa bahagi ng Laoang River, Barangay Tumaguinting, Laoang, Northern Samar.

Lulan ng tugboat ang mga crew at may hilang barge na naglalaman ng 500 metric tons ng black sand at 1.5 metric tons ng boulders.

Ayon sa kapitan ng MTUG KURT MATTHEW, binayo sila ng malalakas na hangin at alon at nadala sila sa mababaw na bahagi ng tubig.

Dahil dito, lumubog ang kalahati ng MTUG KURT MATTHEW at ng barge na SKIPTON.

Agad nagpadala ng search and rescue (SAR) team ang PCG.

Nailigtas naman ang lahat ng crew ng na pawang nasa maayos na kondisyon.

Wala ring senyales ng oil spill sa pinangyarihan ng insidente. (DDC)