EJ Obiena nagtala ng bagong Asian record; wagi ng gintong medalya sa 17th International Golden Roof Challenge

Muling nakapagtala ng bagong rekord ang Pinoy Pole Vaulter na si EJ Obiena.

Nagtala si Obiena ng bagong Asian record at nagwagi ng gintong medalya sa 17th International Golden Roof Challenge na ginanap sa Innsbruck, Austria.

Ito ay makaraan na malagpasan ni Obiena ang 5.93m.

Nahigitan rin ni Obilena ang sarili niyang national record na 5.91m na naitala niya sa Paris Diamond League noong nakaraang buwan ng Agosto.

Nagkamit ng silver medal sa nasabing kompetisyon si Matt Ludwig ng USA na nagtala ng 5.60 meters, at si Ersu Sasma ng Turkey ang nagtapos sa ikatlong pwesto.

Binati naman ng Philippine Sports Commission (PSC) si Obiena sa kaniyang tagumpay. (DDC)