2 patay, 2 sugatan sa aksidente sa C5, Pasig

Dalawa ang nasawi habang dalawa pa ang sugatan sa aksidente na naganap sa C5 flyover sa Pasig City, Lunes Sept. 13 ng madaling araw.

Nayupi ng husto ang Mitsubishi Mirage na sinasakyan ng mga biktima.

Nangyari ang aksidente alas 2:36 ng madaling araw sa northbound lane ng C5 flyover.

Agad isinugod sa ospital ang dalawang lalaking sugatan sa aksidente na kinabibilangan ng driver at ang pasaherong nasa likuran niya.

Habang naging pahirapan ang extraction sa dalawang babaeng sakay din ng kotse na kapwa pumanaw.

Ayon sa nakaligtas na driver ng kotse, nabangga sila ng isang truck at tumakas ito matapos ang insidente. (DDC)