Mga estudyante sa mga pampublikong paaralan balik-eskwela bukas (Sept. 13)

Pormal nang magbubukas ang klase para sa mga pampublikong paaralan bukas (September 13).

Isang programa para sa National School Opening Day ang inihanda ng Department of Education (DepEd) kasabay ng pagbubukas ng School Year 2021-2022.

Ang programa ay pangungunahan ni DepEd Secretary Leonor Magtolis Briones para pormal na ideklara ang pagbubukas ng klase.

Inaasahan ding magbibigay ng mensahe si Pangulong Rodrigo Duterte.

Ayon sa DepEd ang pagbubukas ng SY 2021-2022 ay nagpapakita ng tagumpay na pagbabayanihan para sa isang ligtas na balik-eskwela ng mga mag-aaral, guro, pati na rin ang ating iba pang education stakeholders. (DDC)