Mall Registration Day idaraos ng Comelec sa buong bansa sa Sept. 11

Magdaraos ng National Synchronized Mall Registration Day sa September 11.

Ayon sa Commission on Elections (Comelec) dahil papalapit na ang pagtatapos ng voter registration, magkakaroon ng sabayang registration sa mga mall sa bansa sa nasabing petsa.

Sa Metro Manila na nasa ilalim pa ng Modified Enhanced Community Quarantine (MECQ), isasagawa ang mall registration sa mga mall ng Robinsons, Ayala, at SM hanggang alas 5:00 ng hapon.

Nangako naman ang National Capital Region Police Office na magtatalaga sila ng mahigit 300 tauhan para tumulong sa pagpapatupad ng health and safety protocols. (DDC)