Naiulat na bagong kaso ng COVID-19 kahapon (Sept. 8) kulang ng mahigit 5,000; DOH nakaranas ng technical problem
Kulang ng mahigit 5,000 ang iniulat na bagong kaso ng COVID-19 kahapon araw ng Miyerkules, Sept. 8.
Ayon sa inilabas na abiso ng Department of Health (DOH), nakaranas ng technical issues ang kanilang COVIDKaya.
Dahil dito, ang iniulat na 12,751 cases kahapon ay kulang ng 5,132 cases.
Kulang din ng 41 ang bilang ng iniulat na recoveries.
Dahil dito ayon sa DOH, ang total number ng bagong kaso ng COVID-19 noong Sept. 8 ay 17,883.
Ang total number of recoveries naman ay 20,192.
Ayon sa DOH, tinutugunan na ng Department of Information and Communications Technology (DICT) ang naging problema sa COVIDKaya. (DDC)
