Senator Manny Pacquiao undecided pa rin sa 2022 elections

Wala pa ring konkretong desisyon si Senador Manny ‘Pacman’ Pacquiao sa landas na tatahakin sa 2022 Elections.

Sinabi ni Pacquiao na hindi pa rin niya nakakausap ang kanyang pamilya kaugnay sa kanyang magiging desisyon.

Sa ngayon, tatlong opsyon ang nananatiling pinagpipilian ng senador na kinabibilangan ng pagsabak sa Presidential elections, re-election bilang senador at magretiro sa pulitika.

Kasabay nito, nanawagan si Pacquiao sa lahat na magkaisa upang maresolba ang mga problema sa bansa.

Nakiusap din ang senador kay Pangulong Rodrigo Duterte na hayaan ang mga senador na gawin ang kanilang trabaho kabilang na ang pagssagawa ng mga imbestigasyon sa mga alegasyon ng katiwalian.

Umapela rin ang senador sa punong ehekutibo na huwag dipensahan ang mga nasasangkot sa korapsyon at hayaan silang ipagtanggol ang kanilang mga sarili kung talagang wala silang kamalian. (Dang Garcia)